SigmaNEST бизнис систем во 4 чекори

Од понуда, преку производство, сè до испорака и финансии

Чекор 1 - Давање понуди или процесирање нарачки од клиенти

Откријте ги можностите на SigmaQuote софтверот – напредно CRM решение кое е создадено да го подобри вашето работење и односите со клиентите и партнерите. SigmaQuote ги обединува клучните процеси, автоматизира секојдневни задачи и овозможува побрза и попрецизна реализација на понуди и нарачки.

SigmaQuote CRM носи:

  • Централизирано управување со клиенти и добавувачи: Сите информации за клиентите и партнерите – контакти, адреси, историјат на комуникација и активности – се наоѓаат на едно место, што овозможува брз пристап и ефикасно решавање на барањата. Вака организирана база на податоци олеснува планирање на продажбите и пружање персонализирана услуга.
  • Интеграција со сметководствени софтвери: Автоматско поврзување со надворешни сметководствени пакети овозможува следење на состојбата, ажурирање на кредитни лимити и подобра контрола на финансиските текови.
  • Автоматско управување со цени: Дефинирајте различни ценовни нивоа и маржи за различни групи на клиенти, а системот автоматски ги применува правилата при изработка на понуди.
  • Следење на комплетната историја на соработка: Прегледајте ги сите претходни работи, испратници, фактури и комуникација со секој клиент, што овозможува транспарентност и едноставно следење на статусот на секое барање.


Напредни можности за изработка на понуди:

  • 2D процес на изработка на понуди: Увезете делови од различни CAD формати (DWG, DXF), автоматски извршете гнездење (nesting) и генерирајте прецизни понуди со сите потребни технички и ценовни податоци.
  • Провера на капацитети на производството: Системот автоматски проверува достапност на машини и ресурси, за да им понудите на клиентите реални рокови на испорака.
  • Прилагодлива документација: Креирајте, печатете, архивирајте или испраќајте понуди и потврди на нарачки директно од софтверот, со можност за прилагодување на дизајнот и содржината на документите.

За комплексни барања, SigmaQuote поддржува:

  • 3D изработка на понуди: Увезете 3D модели од SolidWorks или било кој друг 3D CAD софтвер, автоматски препознајте ги карактеристиките на деловите и пресметајте ги трошоците со применети маржи.
  • Управување со комплетни склопови и монтажни единици: Ефикасно ракување со сложени проекти со повеќе делови, операции и готови компоненти, вклучувајќи следење на текот на работа и задолженија на тимот. Кога ќе дефинирате производствен постапок за делови и склопови, доволно е да ја дефинирате количината на производи што ги пуштате во производство и SigmaNest или SigmaTube ќе ги изработат комплетните кројни листи (nesting), ќе генерираат програми за CNC машини и ќе ја пресметаат цената на база на точен потрошувачка на материјал и труд.
  • Интеграција на документација: Прикачете техничка и придружна документација кон секој проект, за сите релевантни податоци да го следат процесот од понуда до завршување на работата.

SigmaQuote е повеќе од CRM – тоа е комплетно решение кое дигитализира и поедноставува вашите процеси, го крева нивото на услуга и ви овозможува да се фокусирате на растот и задоволството на клиентите. Искористете ги предностите на современата автоматизација и подоберете го вашето работење со SigmaQuote.

Чекор 2 - Програмирање, кројни листи (nesting), работни налози, залихи...

Управување со залихи и следливост

Во ова видео ги претставуваме клучните функционалности на SigmaNEST, SigmaTube, SigmaBEND CAM софтверот и дополнителните модули за управување со залихи, MRP и следење на работни налози.

  • Листа и групирање на артикли: Прегледајте ги сите артикли во магацин, со можност за групирање по тип на материјал (лимови, цевки, шипки) или по видови на потрошен материјал (навртки, завртки, бои и други потрошни артикли). Оваа организација олеснува секојдневно сналагање и планирање на набавка.
  • Детален приказ на артикли: Секој артикл можете да го отворите и да ја видите неговата комплетна историја – каде е користен, во кои работи, нарачки или склопови. На овој начин секогаш знаете точно каква е состојбата и намената на секој материјал.
  • Податоци за залихите: Системот нуда увид во поединечни лимови, серии или пакети на залиха, со сите релевантни податоци – димензии, тежина, облик и локација во магацин.
  • Следливост на материјалот: Секое движење на материјалот се евидентира – од влез во магацин, преку употреба во производство, до излез или отпис. Се следи кој и кога извршил секоја промена, што обезбедува целосна транспарентност и ги исполнува барањата на стандардите во индустријата.

Програмирање и следење на производството

  • Работни налози и следење на делови: Едноставно прегледајте ги сите делови од работните налози, сортирајте ги по рокови, материјали или приоритети. Оваа функционалност овозможува оптимално планирање на производството и навремена реализација на работите.
  • Автоматизација на гнездењето и програмирањето: SigmaNEST автоматски ги распоредува деловите на материјалот (nesting) и генерира патеки на алати за сечење, со што се максимизира искористеноста на материјалот и се забрзува подготовката за производство. Корисниците можат да ги прегледаат и одобрат програмите пред испраќање на машината.
  • Sigma Tube за SolidWorks: Директна интеграција со SolidWorks овозможува автоматско препознавање на карактеристиките на цевки и профили, генерирање на оптимални патеки на алати и подготовка за сечење – сè од едно окружување.

Со SigmaNEST софтверот и придружните модули, добивате целосна контрола над залихите, производството и следењето на секој работен налог. Автоматизација на процесите, прецизна следливост и интеграција со CAD/CAM и ERP/MRP решенија ви овозможуваат да работите побрзо, попрецизно и со помалку грешки. Погледнете како SigmaNEST може да го подобри вашето работење!

Чекор 3 – комплетно решение за управување со производството

Запознајте се со моќта на Sigma Schedule, Sigma Load и Shop Manager софтверските пакети – современи решенија за управување со производните операции кои носат целосна контрола и флексибилност во секојдневната работа на вашата фабрика.

Автоматско планирање и распоредување

Sigma Schedule автоматски прави оптимален распоред на сите работни налози, со можност за целосно прераспоредување (rescheduling) врз основа на тековните потреби и поставки на секоја работа. Избирајте помеѓу forward scheduling (пополнување на секое празно место во капацитетите од денес па до рокот на испорака) за најбрза испорака и backward scheduling (пополнување на секое празно место приклонето кон рокот на испорака) за just-in-time производство, со интелигентно групирање (материјал, дебелина, редукција на отпад, рок на испорака)  и редослед на сечење делови за максимална ефикасност.

Приказ на планот за производство и управување по машини и работни центри

На едно место имате преглед на сите работни центри и машини – од преси, брусење, боење, до ласери и плазма. Лесно доделувате и ослободувате работни налози, следите статус на секоја програма, материјал и операција, со можност за автоматска додела на работи за следниот ден.

Флексибилност во реално време

Sigma овозможува брзи промени на распоредот во случај на застој или отсуство на оператор – едноставно внесете застој на машината и системот автоматски ќе ги прерасподели работите на достапните машини, без губење време.

Интуитивен shop floor интерфејс за оператори во погонот

Операторите во производството имаат графички приказ на сите програми, делови и операции, со можност за промена на бои по фази, бракување на делови, замена на материјал и ажурирање на залихи. Сите активности – од покренување и завршување на програми до пријава на комплетирани делови – се евидентираат во реално време.

Следење на работното време и продуктивност

Едноставна пријава и одјава на работното место преку бар-код овозможува прецизно следење на работни часови и паузи, што ја олеснува обработката на плати и анализата на продуктивноста.

Комплетна поддршка за секундарни операции

Савијање, заварување, боење, брусење – сите секундарни операции се прегледно прикажани, со информации за статус, рокови, количини и работни станици. Операторите лесно следат што е подготвено за обработка и го ажурираат напредокот на секоја задача.

Sigma Schedule, Load и Shop Manager се вашата дигитална командна табла за производство – подоберете го планирањето, зголемете ја ефикасноста и обезбедете транспарентност на секој чекор во процесот. Погледнете го видеото и откријте како Sigma софтверот може да го трансформира вашето работење!

Чекор 4 - Дигитализирајте ја набавката, залихите и следењето на производството и магацинот со едно решение

Во ова видео прикажуваме како Sigma Suite софтверските решенија овозможуваат целосна контрола над сите клучни процеси во модерното производство – од набавка и управување со залихи, преку следење на работни налози, до фактурирање и напредна аналитика.

Едноставна и брза набавка

Sigma Suite овозможува креирање и управување со нарачки, било автоматски врз основа на потребите на повеќе работи или рачно, со избор на добавувач и артикли. Можно е испраќање барања за понуда (RFQ) до повеќе добавувачи одеднаш, автоматско менување на статусот на нарачките и генерирање на целата потребна документација.

Прецизно управување со залихи

Приемот на стока е брз и транспарентен – внесувате податоци за пристигнатите артикли, избирате локација на складирање, внесувате количини, тежина и сериски броеви, а системот автоматски креира нова серија во залихите. Новата функција на попис на залихи овозможува креирање попис, следење на статус и брзо внесување на вистинската состојба, со автоматско усогласување на залихите по одобрување од менаџментот.

Следење на испораки и фактурирање

Креирајте испратници директно од работните налози, менувајте адреси и автоматски прикачувајте ја потребната документација (на пр. сертификати за материјал). Фактурирањето се врши едноставно – од испратницата се генерира фактура, која може да се печати, испраќа по е-пошта или архивира.

Напредна аналитика и dashboard

Sigma Suite Data Hub овозможува преглед на сите клучни информации – од залихи и работни налози, до анализа на продажба, искористеност на материјал и статус на нарачки. Прилагодливите dashboard-и даваат увид во успешноста на продажбата, искористеноста на материјалот, статусот на активни работи и уште многу повеќе, со што поддржуваат донесување подобри бизнис одлуки.

Sigma Suite е комплетно решение за дигитализација и оптимизација на сите процеси во производството – погледнете го видеото и дознајте како можете да ја подобрите ефикасноста и транспарентноста на вашето работење!

Испратете го прашањето >